ఎడ్యుకేషన్

టిక్ టాక్ కు జరిమానా విధించిన న్యాయస్థానం!

FTC fines app TikTok/Musical.ly $5.7 million for child data privacy violations
టిక్ టాక్ కు జరిమానా విధించిన న్యాయస్థానం!

చైనా సోషల్ మీడియా యాప్ ‘టిక్ టాక్’ కు యూత్ లో ప్రస్తుతం విపరీతమైన క్రేజ్ ఉంది. తమ టాలెంట్ ను ప్రదర్శించడానికి చాలామంది దీన్ని ఒక సాధనంగా వాడుకుంటున్నారు. ఈ నేపథ్యంలో అగ్రరాజ్యం అమెరికా ‘టిక్ టాక్’ యాప్ కు షాక్ ఇచ్చింది. నిబంధనలకు విరుద్ధంగా ప్రవర్తించినందుకు ఏకంగా రూ.40.6 కోట్ల జరిమానా వేసింది.

అమెరికా మార్కెట్ లోకి అడుగుపెట్టిన టిక్ టాక్ యాప్ మ్యూజికల్‌.ఎల్‌వై (Musical.ly) అనే కంపెనీతో ఒప్పందం చేసుకుంది. అనంతరం కొద్దికాలానికే అమెరికాలో అండ్రాయిడ్ మార్కెట్ లో 4వ స్థానం, ఐవోఎస్ ప్లాట్ ఫామ్ లో 25వ స్థానాన్ని దక్కించుకుంది. అయితే 13 ఏళ్లలోపు చిన్నారుల వ్యక్తిగత వివరాలను(పేర్లు, ఫొటోలు, వ్యక్తిగత వివరాలు) బహిర్గతం చేయడం ద్వారా టిక్ టాక్ జాతీయ చిన్నారుల భద్రతా చట్టాన్ని పాటించడం లేదని అమెరికాకు చెందిన ఫెడరల్ ట్రేడ్ కమిషన్ చెప్పింది.

ఈ నేపథ్యంలో కంపెనీని దోషిగా తేలుస్తూ ఏకంగా రూ.40.6 కోట్ల జరిమానా వేసింది. ఈ విషయమై టిక్ టాక్ సంస్థ మాట్లాడుతూ.. తాము నిబంధనలకు అనుగుణంగా పనిచేస్తున్నామని.13 ఏళ్లలోపు పిల్లలకు పూర్తి యాక్సెస్ అందించలేదని, యూజర్ల భద్రతకు తగిన చర్యలు తీసుకుంటున్నాము అని పేర్కొంది. ప్రస్తుతం అమెరికాలో 6.5 కోట్ల మంది టిక్ టాక్ యూజర్లు ఉన్నారు.

To Top
error: Content is protected !!