సినిమా

తమన్నాకు డీజే స్నేక్ ఛాలెంజ్..

బాహుబలి అవంతికకు అవకాశాలు ఆశించినంతగా రావట్లేదు. తాజాగా కళ్యాణ్ రామ్ హీరోగా తమన్నా కథానాయికగా ‘నా నువ్వే’ సినిమా రూపుదిద్దుకుంటోంది. ఈ చిత్రంపై అమ్మడు ఆశలు పెట్టుకుంది. ఈ నేపథ్యంలో ప్యారిస్‌కు చెందిన ప్రముఖ డీజే స్నేక్ విసిరిన ఛాలెంజ్‌లో తమన్నా నెగ్గి తన సత్తా ఏంటో నిరూపించుకుంది.

మెజెంటా రిడ్డిమ్ పాటకు తాను చేసిన డ్యాన్స్‌ను చేయాలంటూ తమన్నాకు స్నేక్ ఛాలెంజ్ విసిరాడు. ఈ సవాల్‌లో తాను నెగ్గినట్టు తమన్నా తన ఇన్ స్టాగ్రామ్ ఖాతాలో పేర్కొంది. ఈ పాటకు కొరియోగ్రాఫర్‌గా జూయీ వైద్య వ్యవహరించాడని తమన్నా చెప్పింది. అంతేగాకుండా తన డ్యాన్స్ వీడియోను పోస్ట్ చేసింది. డీజే స్నేక్ ఈ వీడియో చూసి షాకవుతారని కూడా మెసేజ్ పెట్టింది.

తమన్నా పోస్టు చేసిన వీడియో ప్రస్తుతం వైరల్ అవుతోంది. కాగా, డీజే స్నేక్, తమన్నా లిద్దరూ మంచి స్నేహితులన్న విషయం తెలిసిందే. గతంలో బాహుబలి సినిమాను డీజే స్నేక్‌కు తమన్నా చూపెట్టింది.

To Top
error: Content is protected !!