సినిమా

పవన్ కళ్యాణ్ సరికొత్త రికార్డు …!

పవన్ కళ్యాణ్ సరికొత్త రికార్డు ...!

జనసేన అధినేత, పవర్ స్టార్ పవన్ కళ్యాణ్ ఫాలోయింగ్ గురించి ప్రత్యేకంగా చెప్పాల్సిన అవసరంలేదు. పవర్ స్టార్గా ప్రపంచ వ్యాప్తంగా తనకంటూ ప్రత్యేక మైన క్రేజ్ సంపాదించిన పవన్ కళ్యాణ్.. జనసేన పార్టీని స్థాపించడంతో ఆ క్రేజ్ను మరింత పెంచుకున్నారు. స్టార్ హీరోగానే కాకుండా క్రియాశీలక రాజకీయాల్లోనూ తనదైన ముద్రను వేసేందుకు జనసేన పార్టీ స్థాపించిన పవన్ కళ్యాణ్ ఆ పార్టీని బలోపేతం చేసేందుకు ప్రధాన అస్త్రంగా సోషల్ మీడియాను ఉపయోగిస్తున్నారు. ప్రశ్నించేందుకే రాజకీయాల్లోకి వచ్చా… జనసేన పార్టీని స్థాపించా అని చెప్పే పవన్ కళ్యాణ్ తన ప్రశ్నల పరంపరకు ట్విట్టర్ ఖాతాను వేదికగా చేసుకున్న సంగతి తెలిసిందే. నిజానికి పవన్ కళ్యాణ్ క్షేత్రస్థాయిలో కంటే ట్విట్టర్లోనే ప్రజలకు అందుబాటులో ఉంటారు. ఒకర్ని పొగడాలన్నా.. మరొకర్ని తిట్టాలన్నా.. ప్రశ్నించాలన్నా.. సలహా ఇవ్వాలన్నా… చివరికి ప్రభుత్వాలపై, ప్రతిపక్షాలపైనా విరుచుకు పడాలన్నా.. ప్రజా సమస్యలపై పబ్లిక్ మీటింగ్లపై పిలుపునివ్వాలన్నా.. ఆయన ట్విట్టర్నే వేదిక చేసుకుంటున్నారు. లా ఒకవైపు రాజకీయాలను, మరోవైపు సినిమాలను బ్యాలన్స్ చేస్తూ తన అభిమానులకు ట్విట్టర్లో టచ్లో ఉంటున్నపవన్ కళ్యాణ్ తన ఫాలోవర్స్ రోజు రోజుకూ పెంచుకుంటూనే ఉన్నారు. తాజాగా ఈయన ఆయన ట్విట్టర్ ఫాలోవర్స్ సంఖ్య 20 లక్షలకు(2 మిలియన్) చేరుకున్న విషయాన్ని అభిమానులతో పంచుకున్నారు. ఈ సందర్భంగా పవన్ భక్తుడు, సినీ నిర్మాత బండ్ల గణేష్ ఇదీ పవన్ స్టామినా అంటూ ట్వీట్ చేశారు.

Click to comment

Leave a Reply

Your email address will not be published. Required fields are marked *

*

To Top
error: Content is protected !!